សាររបស់ប្រធានក្រុមប្រឹក្សាភិបាល និងជានាយកប្រតិបត្តិ
“ឆាប់ៗខាងមុខនេះ ធនាគារ UCB គ្រោងនឹងបង្កើនចំនួនសាខារបស់ខ្លួនក្នុងក្រុងភ្នំពេញ ដើម្បីបម្រើអតិថិជនឱ្យបានកាន់តែប្រសើរឡើង”
ឧកញ៉ា យាំ ស៊ុយ សាំង
ប្រធានក្រុមប្រឹក្សាភិបាល និង ជានាយកប្រតិបត្ត
អំឡុងរយៈពេល៥ឆ្នាំចុងក្រោយនេះ សេដ្ឋកិច្ចកម្ពុជាបានរីកចំរើនគួរអោយកត់សំគាល់ ដល់ទៅ ១០% ក្នុងមួយឆ្នាំ។ ប៉ុន្តែកំនើនសេដ្ឋកិច្ចក្នុងឆ្នាំ២០០៩ បានធ្លាក់ចុះយ៉ាងគំហុករហូតដល់ក្បែរចំនុចអវិជ្ជមាន។ បើទោះជាមានការធ្លាក់ចុះចំពោះវិស័យឧស្សាហ៍កម្មកាត់ដេរ សំណង់ និង ទេសចរណ៍ក៏ដោយ សេដ្ឋកិច្ចកម្ពុជាត្រូវបានលើកស្ទួយដោយវិស័យកសិកម្ម និង សេវាកម្ម។
បើទោះជាមានការថយចុះសកម្មភាពសេដ្ឋកិច្ចក្នុងឆ្នាំ២០០៩ យ៉ាងណាក៏ដោយ ចំនួនធនាគារពាណិជ្ជ ដែលមកបោះទុនវិនិយោគនៅព្រះរាជាណាចក្រកម្ពុជា នៅតែមានការកើនឡើង។ គិតត្រឹមខែធ្នូ ឆ្នាំ២០០៩ ធនាគារពាណិជ្ជ សរុបមានចំនួន ២៩ ។ ធនាគារ ពាណិជ្ជ នៅតែបន្តចូលមកបណ្តាក់ទុនវិនិយោគនៅព្រះរាជាណាចក្រកម្ពុជាឥតឈប់ឈរ ដោយការប្រមើលមើលឃើញពីឱកាសល្អជាច្រើននៅថ្ងៃអនាគត អំពីកំនើន និងផលចំណេញ និង ឱកាសពង្រីកសេវាកម្មនៅក្នុងតំបន់។
គិតត្រឹមថ្ងៃទី៣១ ខែធ្នូ ឆ្នាំ២០០៩ ធនាគារ UCB មានទ្រព្យសកម្មសរុប ១៤៧,៥0 លានដុល្លារសហរដ្ឋអាមេរិក ហើយចំណេញសុទ្ធក្រោយបង់ពន្ធមានចំនួន ៤,៦0 លានដុល្លារសហរដ្ឋអាមេរិក ។ តួលេខដែលត្រូវបានពិនិត្យអះអាងដោយក្រុមសវនករ ទាំងអស់នេះ ជាតួលេខខ្ពស់ជាងគេបង្អស់ក្នុងរយៈកាល ១៦ឆ្នាំ របស់ធនាគារUCB ។ ចំណែកឯមូលធនម្ចាស់ភាគហ៊ុន បានកើនដល់ទៅ ២៨,៧0 លានដុល្លារសហរដ្ឋអាមេរិក ។
ចំនួនឥណទានដុល និងបុរេប្រទាន កើនពី ៦៤,៤0 លាន ដល់ ៧៥,៩0 លានដុល្លារសហរដ្ឋអាមេរិក ក្នុងឆ្នាំ២០០៩ ហើយប្រាក់បញ្ញើអតិថិជន កើនពី ៨៧,២0 លាន ដល់ ១១១,៩0 លានដុល្លារសហរដ្ឋអាមេរិក នៅឆ្នាំ២០០៩។ ធនាគារ UCB បានបន្តរីកចម្រើនក្នុងល្បឿនថេរមួយ ដោយធ្វើសមតុល្យយ៉ាងប្រុងប្រយ័ត្ននូវហានិភ័យ លើប្រាក់ចំណេញ និងសាច់ប្រាក់ងាយស្រួលខណៈពេលបម្រើដល់អតិថិជន។
ធនាគារ UCB បានពង្រឹងគោលនយោបាយ អភិបាលកិច្ច និងការអនុវត្ត ដោយបានបង្កើតគណៈកម្មការហានិភ័យ គណៈកម្មការសវនកម្ម គណៈកម្មការប្រតិបត្តិ (EXCO) និងគណៈកម្មការទ្រព្យអកម្ម (ALCO)។ ក្នុងឆ្នាំ២០០៩ អភិបាលឯករាជ្យ ចំនួន២រូប ត្រូវបាន តែងតាំងដើម្បីអោយសមស្របតាមការតម្រូវរបស់ធនាគារជាតិ នៃកម្ពុជាទាំងបុគ្គលិកលក្ខណះសម្បត្តិនិងបទពិសោធន៏ការងារ។ ប្រធានគណៈកម្មការហានិភ័យ និងគណៈកម្មការសវនកម្ម ត្រូវធ្វើរបាយការណ៍ជូនទៅអភិបាលឯករាជ្យទាំងពីររូបនោះ ។
ភាគទុននិក បានយល់ព្រមសំណើរជាឯកច្ឆ័ន ដែលលើកឡើងដោយក្រុមប្រឹក្សាភិបាល ស្នើរជួលអចលនទ្រព្យនៅលើបណ្តោយមហាវិថីព្រះមុនីវង្ស ដើម្បីសង់អគារលំដាប់ថ្នាក់កំពូល កំពស់ ១២ជាន់ សម្រាប់ជាការិយាល័យកណ្តាលថ្មី របស់ធនាគារ UCB។
ជាចុងក្រោយនេះ យើងខ្ញុំសូមសំដែងនូវអំណរគុណ និងការដឹងគុណដ៏ស្មោះអស់ពីចិត្ត ចំពោះរាល់ការខិតខំប្រឹងប្រែង និងការប្តេជ្ញាខ្ពស់របស់បុគ្គលិក ក៏ដូចជាការគាំទ្រពីសំណាក់អតិថិជន ភាគទុននិក ធនាគារដៃគូ និងការណែនាំពីធនាគារជាតិនៃកម្ពុជា ក៏ដូចជា រាជរដ្ឋាភិបាលកម្ពុជា ផងដែរ ដែលសុទ្ធតែបានរួមចំណែកក្នុងសមិទ្ធផលរបស់ធនាគារ UCB មកដល់ពេលនេះ។